Të hënën nis në TV Klan seriali më i ri dramë “Babil”, me një kast shumë të njohur aktorësh. Seriali ka një histori prekëse dhe që do t’ju mbajë mbërthyer pas ekranit. Irfan dhe Eda bëjnë një jetë normale derisa një ditë djali i tyre sëmuret. Irfan, një profesor në Fakultetin Ekonomik pushohet pa të drejtë nga puna, në një situatë tejet të vështirë kur i duhet të shpëtojë jetën e djalit të tij të sëmurë.
Teksa dyert i mbyllen një pas një, ai duhet të bëjë një “zgjedhje”. Së bashku me shokun e tij të ngushtë arrin të krijojë skemën më të famshme piramidale që menjëherë bëhet mashtrimi më i madh financiar në vend.
A do të mundet Irfani të dalë jashtë aventurës së errët ku është futur? A do të mundet ai të sigurojë paratë për operacionin e djalit të tij? Mbetet për t’u parë nga e hëna në të premte ora 6:20 në TV Klan.
