Një interpretim i jashtëzakonshëm, Ermonela Jaho magjeps skenën spanjolle

Sopranoja shqiptare, Ermonela Jaho ka bërë një interpretim madhështor në operan “Madame Butterfly”në teatrin “Real” në Spanjë.
“Të qash në opera mos është një dobësi? Ermonela Jaho e shndërron “Butterfly” në një epidemi lotësh, psherëtimash dhe emocionesh. A duhet të emocionohet një artist, apo kjo do ta çonte në një udhë humbjeje? Njeriu i bën këto pyetje vetes pasi ka insistuar në zbulimin e Ermonela Jahos, si protagoniste në Madame Butterfly në teatrin mbretëror. E nuk flas për një zbulim me efekt surprizë, por thënë më mirë me pranimin e misterit. Mister do të thotë se sopranoja shqiptare jepte përshtypjen se njësohej aq shumë në rolin e Cio Cio San sa na jepte ndjesinë se po dashuronte, vuante dhe se ishte në agoni prej vërteti”- thotë ndër të tjera në shkrimin e tij gazetari spanjoll. Për të gjithë dashamirësit e skenës operistike, do të gjeni “Madame Butterfly” në datat 12, 15, 19, 21 korrik në teatrin “Real”. Bravo Ermonela!