“Borat Subsequent Moviefilm” për pak sa nuk e prishi martesën e aktorit Sacha Baron Cohen dhe bashkëshortes së tij Isla Fisher. E ftuar në “Jimmy Kimmel Live”, Fisher tregoi se ajo e kërcënoi bashkëshortin me ndarje nëse ai nuk vendoste batutën e saj të preferuar në film.
“I thashë zemër duhet ta vendosësh këtë batutë. Është shumë për të qeshur. Është batuta ime e preferuar. Por ai nuk mendonte se kjo batutë dukej shumë origjinale”, tha aktorja.
Ajo tregon se u inatos aq shumë sa i tha bashkëshortit se nuk do t’i fliste më nëse nuk e rikthente batutën në skenar.
“Megjithatë ai e hoqi batutën dhe ne ende jemi të martuar”-tha Fisher duke qeshur.
