Antonio Banderas është një nga aktorët më të pëlqyer në mbarë botën dhe kjo për shkak të karrierës së tij të gjatë në kinematografinë e huaj.
Së fundmi ka qenë moderatorja e njohur, Fjodora Fora, e cila ka pasur mundësinë ta takojë yllin e kinemasë nga afër. Ajo ka publikuar pak minuta më parë një foto krah Banderas ku duket se ndajnë të njëjtën tryezë në një prej restoranteve më të njohur në Francë.
“Më në fund e takova, ai është kaq i sjellshëm sa të bën ta adhurosh më shumë”, ka shkruar Fjodora në foton e publikuar në llogarinë e saj.
Menjëherë pas publikimit të kësaj fotoje kanë qenë të shumta pëlqimet qe kanë mbërritur në ‘Instagram-in’ e moderatores dhe kjo jo më kot.
Kujtojmë se pak kohë më parë një tjetër moderatore shqiptare, pati mundësinë ta takonte Banderas nga afër. Marina Vjollca publikoi një foto nga pushimet e saj ku rastësia e kishte ndeshur me yllin e kinematografisë botërore./revistawho.com
