Një tjetër vajzë e famshme humb bebin në muajt e fundit të shtatzënisë

Christina Perri, këngëtarja e hitit “Jar of hearts” ka dhënë lajmin e trishtë se ka humbur beben e saj. Christina ishte në tremujorin e tretë të shtatzënisë dhe po priste të bëhej nënë për herë të dytë. Javët e fundit ajo pati komplikacione me shtatzëninë dhe u kërkoi fansave të luteshin për të pasi bebja mund të vinte në jetë më herët se ç’pritej. Ditën e sotme përmes një postimi në rrjete sociale, Christina dha lajmin e hidhur se vajza e saj është ndarë nga jeta. “Mbrëmjen e kaluar ne humbëm vajzën tonë. Ajo lindi e heshtur pasi luftoi shumë për të ardhur në këtë botë. Ajo është në paqe tani dhe do jetojë përgjithmonë në zemrat tona”-shkroi këngëtarja. Ajo publikoi edhe një foto nga spitali ku shihet duke mbajtur dorën e vogëlushes së saj, një foto që i preku zemrat të gjithëve.