Donald Trump po ‘fshihet’ gjithandej si të mos kishte ekzistuar kurrë dhe tani njerëzit po përhapin një kërkesë të re online që do ndikojë edhe në të shkuarën. Duket e çuditshme, por ja që po ndodh. Pasi ish-presidentit ju ndalua fjala në çdo platformë sociale, në ‘Twitter’ ka nisur një zhurmë sociale për ta fshirë atë edhe nga filmi i njohur ‘Home Alone 2’.
E bukura e gjithë kësaj është fakti që edhe vetë aktori protagonist i atij filmi, Macaulay Culkin ka rënë dakort dhe ka mbështetur disa nga komentuesit. Megjithëse fraza e Donald Trump në film është shumë e shkurtër, kjo nuk ka aspak rëndësi për ta.
Përdorues të ‘Twitter’ kanë kërkuar që ish-presidentit të zëvendësohet nga vetë Macaulay Culkin, por në versionin e tanishëm.
Nga ana tjetër producentë të këtij realizimi kinematografik kanë rrëfyer më herët se pjesëmarrja e Trump në film ishte e detyrueshme për ta, përndryshe nuk mund të xhironin në ambientet e hotelit të tij. Kjo shpjegon edhe pse Macaulay Culkin është në krah të komentuesve./revistawho.com
