Për prindërit nuk është aspak e lehtë të bindin fëmijët të shkojnë në kopësht kur mbushin moshën e duhur dhe me siguri të gjithë do e kenë provuar këtë eksperiencë. Me të njëjtën gjë është përballur edhe Vesa Luma së fundmi, sepse Liani duket se nuk e ka me dëshirë të shkojë në kopësht. Këngëtarja ka publikuar në ‘Instagram’ një foto të vogëlushit në të cilën ai shihet duke qeshur, por Vesa ka treguar se prapaskenat e fotos nuk janë po aq të bukura. “Mbas kësaj buzëqeshjes sime, fshihen 2 muaj të plota vaj, sepse nuk po na pëlqen kopshti edhe mami im Vesa edhe mësueset e mia nuk duan të lëshojnë pe, deri sa t’i lodh mirë e mirë… nejse unë u kënaqa se të gjithë janë pas meje”, ka shkruar Luma bashkangjitur fotos.
Gjatë kësaj kohe Liani është mësuar të qëndrojë gjithmonë pranë mami Vesës dhe prandaj ai duhet ta ketë pasur të vështirë të shkëputet për disa orë prej saj. Kujtojmë se Vesa Luma jeton prej kohësh në Australi së bashku me Lianin dhe Big Bastën.
