Argjentina Ramosaj njihet si një nga femrat më të bukura shqiptare. Klipi i saj më i fundit “Pse” u konsiderua si një hit që në minutat e para të publikimit. Mirëpo, dita e sotme ka një domethënie të veçantë në familjen e saj. Noah mbush plot 2 vjeç dhe mami Argjentina nuk mund të ishte më e bekuar se kaq. Vogëlushi jo vetëm që është gëzimi i parë për këngëtaren dhe bashkëshortin e saj, por dhe ka rrëmbyer zemrat e publikut me atë ëmbëlsinë që e karakterizon. Argjentina ka postuar një foto të Noah-s në plazh, në të cilën ka shkruar: “Gëzuar ditëlindjen, arushi im i vogël Pooh! Engjëlli im sot bën 2 vjeç. Nuk mund ta besoj që është rritur kaq shumë. Ti më jep shumë lumturi në jetën time Noah dhe ne jemi shumë, po shumë me fat që të kemi birin tonë. Nuk pres dot deri sa të rritesh dhe të shoh sa gjëra të mrekullueshme do bësh ti në jetën tënde. Mami dhe babi të duan më shumë se çdo gjë në botë’”. Kushedi sa zemra do të thyejë bukuroshi vogël kur të rritet!
