Kiara Tito ka folur për herë të parë pas eliminimit nga “Big Brother Vip Albania”. E ftuar në “Fan Club”, Kiara u përlot duke thënë se i duket sikur i ka ikur një pjesë e shpirtit.
“Nuk bëhem aspak pishman që e kam fokusuar lojën time te Luizi. Nuk bëhem pishman për qëndrimet që kam mbajtur gjatë qëndrimit në shtëpi. Më falni për momentet kur dukej sikur bëhej gjëma për një “x” situatë. Më besoni që ka qenë vetëm presioni. Diskutime çiftesh kemi të gjithë dhe do doja të shikoja se ai debatojnë të tjerët në shtëpitë e tyre. Është një gjë normale të debatosh dhe t’i kërkosh llogari partnerit tënd, për gjërat që ti nuk je dakord. Kemi debatuar dhe pas 5 minutash jemi shtrirë dhe më pas jemi puthur”.
A e ka parë popullaritetin e Luizit jashtë?
“Nuk e dija që Luizi kishte arritur këto lloj përmasash, por pak ma merrte mendja sepse kemi patur disa indicie të vogla, dronë, por jo në këto lloj nivelesh. Më bëhet shumë qejfi që ka arritur këto përmasa dhe kanë arritur ta kuptojnë se çfarë njeriu është ai. Ai e meriton gjithë pozitivitetin dhe mbështetjen që ka”.
Miqësia me Efin?
“Po flisnim në përgjithësi, folëm shumë pak. Nuk patëm mundësi të flisnim gjatë, por nuk ka gjë për të sqaruar. Sigurisht që marrëdhënia jonë do vazhdojë”, tha Kiara.
Më pas ajo ka bërë edhe një reagim në Instagramin e saj, duke e mbyllur mesazhin me mbështetje ndaj Luizit.
“Faleminderit me shpirt. Dua ta nis pikërisht me mirënjohje reagimin tim të parë. Mirënjohje për të gjithë ata të cilët më kanë mbështetur dhe na kanë mbështetur në këto 90 ditë qendrimi e mbi të gjitha izolimi në shtëpinë e Big Brother Vip. Edhe pse nuk kanë kaluar as 24 orë që kam dalë e ende kam shumë gjëra për të mësuar, e kam ndjerë pafund dashurinë tuaj. Falenderuese për të gjithë ata që besuan tek unë, edhe kur gjuha e urrejtjes nuk e bënte aq të thjeshtë. Pavarësisht se nuk bëra lojë, jam e bindur që ata që më kuptuan e vlerësuan qendrimin tim dhe emocionet që kam dashur të përcjell. Unë kam qen e para që e ndjeva pozitivitetin, mirësinë dhe dashurine e Luizit, edhe kur kisha kundër të gjithë, dhe i kam qendruar dhe do ti qendroj besnike ndjenjës time, deri në fund! Shumë dashuri për ju dhe mos harroni, #meLuizin”, ka shkruar ajo.
