Ndarja e Shakirës dhe Pique ka përshpejtuar publikimin e këngëve nga këngëtarja. Ndarja ka rezultuar në publikimet e suksesshme të ‘Te felicito’, ‘Monotonia’, ‘Bzrp Music Sessions, Vol. 53’, ‘Acrostico’, ‘TQG’ dhe ‘Copa Vacia’. Duket se diçka tjetër po vjen, pasi raportet bëjnë me dije se albumi i 12-të në studio i këngëtares është në rrugë e sipër.
Duket sikur zemërthyerja do të shërbejë si frymëzim për këtë projekt dhe kjo është arsyeja pse pritet që këngët e tjera në albumin e ri të jenë të ngjashme dhe të mbajnë mesazhe më të nënkuptuara për ndarjen e tyre të fundit.
Deri më tani nuk ka pasur asnjë fjalë zyrtare nga Shakira apo kompania e saj diskografike, por këngët e saj të fundit kanë qenë në spanjisht dhe shumë të fokusuara në Spanjë dhe Amerikën Latine. Megjithatë, duket se në projekt do të ketë edhe këngë angleze.
Kjo përforcohet nga fakti se Shakira së fundmi shkoi në Londër, Angli, për të punuar me kompozitorin David Steëart.
Ai është një nga më të rëndësishmit në industrinë e muzikës dhe ka qenë përgjegjës për krijimin e hiteve për The Jonas Brothers dhe BTS.
