Në datën 10 të muajit të kaluar u mbajt ceremonia e martesës së çiftit Ledion Liço dhe Sara Hoxha. Ata celebruan dashurinë e tyre në një nga vendet më të pëlqyera në botë, Como dhe u përpoqën që detajet t’i mbanin sa më të fshehta. Pavarësisht kësaj disa nga të ftuarit e ‘tradhtuan’ çiftin dhe në rrjetet sociale qarkulluan disa foto nga dita e madhe. Me aq sa pamë mund të themi me plot gojën se Ledioni dhe Sara kanë shkëlqyer.
Por sigurisht një vëmendje të veçantë kishte dhe motra e Sarës, Lori e cila ka ndarë vetëm një foto nga dasma dhe aty nuk arrihet të kuptohet qartë veshja e saj. Por duket se arsyeja e mospublikimit të fotove zyrtare është fotografi. Teksa ndjekësit i kërkojnë të publikojë foto nga dasma ajo tregon se nuk i ka marrë ende ato.
“Unë ende po pres që të marr fotot për vete”,- shkruan Lori.
Me siguri pasi ajo të ketë fotot në dorë ‘Instagrami’ do të pushtohet nga imazhet e Lorit./revistawho.com
