Kur bëhet fjalë për modën, Niko Komani nuk i kursen mendimet e sinqerta — dhe këtë herë, ai kishte diçka për secilën nga moderatoret më të njohura të ekranit shqiptar. I ftuar në emisionin “Live From Tirana” me Ronaldo Sharkën, stilisti foli për trendet e vjeshtës, por edhe për zgjedhjet e veshjeve që kanë bërë emra si Bora Zemani, Kiara Tito, Egli Tako, Nevina Shtylla e Bieta Sulo.
Së pari, Komani ndaloi tek paneli i “Goca dhe Gra”:
“Më pëlqeu energjia e tyre. Ngjanin bukur, ngjanin pastër, kemi parë në sezonet e kaluara që edhe stononin. Një panel ku duhet të jenë në të njëjtat ujëra. Rudina dhe Ema u veshën më bukur. Ajo që mbase mund të stononte ishte Rozana me fustan, të tjerat me kostum, por më pëlqeu shumë.”
Por kur erdhi puna te Bora Zemani, ai ishte më i prerë:
“Borën dua ta shoh me një stil tjetër fustani, jo ai fustani aq klasik. Sezonin e kaluar e pashë me fustane që e rrisnin në moshë.”
Në lidhje me Bieta Sulon, Niko vuri re se eleganca nuk ka pse të vijë gjithmonë me fustan:
“Bieta Sulo te kjo foto nuk është e preferuara ime, më pëlqen më shumë me xhinse, me këmisha bluza casual. Më pëlqen më shumë ai stil, këtu më duket më e madhe seç është. Mendoj që modeli i fustanit nuk është për karakterin e Bietës, është për prezantuese të tjera kjo.”
Ndërsa për Egli Takon, kritika ishte e drejtpërdrejtë:
“Egli Tako gabimi i parë është byzylyku mbi xhaketë. Nuk duhet sepse ti e tregon me çdo kusht që ke dhe atë byzylykun. Në tërësi jam i lodhur pak nga trendi i kostumeve në të njëjtin format, pak e lodhshme. Gjatë koncerteve nuk më ka pëlqyer. Prisja pak më cool, disa herë më dukej shumë thjesht sepse kishte vëmendjen e të gjithëve.”
Për sa i përket moderatoreve të “Portokallisë”, vlerësimi ishte më i butë:
> “Nevina gjithmonë ka patur trup fantastik. Më pëlqen në total look, aksesorët i shoh aq sa duhet. Flokët janë mirë, është perfekt.”
Ndërsa për Kiarën, komplimenti ishte i artë — në kuptimin e plotë të fjalës:
“Kiara ka këmbë shumë të bukura, mu duk si një statujë Oscar. Midis Nevinës dhe Kiarës, Kiara ishte me rëndësinë e duhur për premierë.”
Me stilin e tij të drejtpërdrejtë dhe syrin kritik, Niko Komani edhe një herë dëshmon se nuk flet për modën, **ai e jeton atë** — dhe siç duket, për çdo look, ka gjithmonë një “nuk më pëlqeu sepse…” për të thënë.
