Sherr në Fshatin Olimpik, madje i rëndë. Dy shoqe, partnere në garën e hedhjes së sinkronizuar nga trampolina, brazilianet Ingrit Oliveira (20 vjeçe) dhe Giovanna Pedroso (17 vjeçe), janë zënë mes tyre për shkak të një mashkulli. Edhe para Olimpiadës ato kishin patur mosmarrëveshje, pasi kanë trajnerë të ndryshëm, stërvitje të ndryshme, ekipe të ndryshme.
Duke qenë se nuk ishin dakord në detajet e garës, kanë nisur edhe përplasjet e para, madje edhe direct në television pas garës.
Por duket se nuk ka qenë paraqitja e dobët në garë ajo që ka bërë që sherri të ndodhte edhe para televizionit, por një histori dashurie e pak ditëve më parë. Giovanna ka akuzuar Ingrid se ka sjellë në dhomën ku ato ishin akomoduar në Fshatin olimpik një mashkull, një sportist brazilian, që garon në një disiplinë tjetër sportive. Për këtë arsye, Ingrid i ka kërkuar shoqes së dhomës që për atë natë të sistemohet diku tjetër. Kaq ka mjaftuar që të nisë skandali dhe përplasja mes dy sportisteve.
Giovanna, për këtë rast ka njoftuar drejtuesit e saj dhe të Komitetit Olimpik Brazilian, që u përpoqën të shuajnë mosmarrëveshjet për hir të garës. Por gara ishte një skandal më vete, vendi i fundit për dyshen braziliane dhe ja që nga bishti del te koka. Paraqitja e dobët në garë bëri që të zbulohen inatet mes dy sportisteve. “Kemi patur shpesh polemika. Mund të garojmë shpesh së bashku, por jashtë pishinës…”, ka deklaruar Giovanna, duke bërë me dije se marrëdhënia me Ingrid është kompromentuar. Dhe Brazili vendosi ta përjashtojë notaret nga Lojërat Olimpike./opinion.al
