Olta Boka ka qenë në qendër të vëmendjes për një kohë të gjatë nga mediat për shkak të lidhjes së saj disavjeçare. Pavarësisht se këngëtarja kishte vendosur të mos fliste për këtë temë në intervista, ditën e sotme tek ‘Rudina’ ajo ka zbuluar disa detaje për herë të parë në lidhje me fejesën e saj dhe planet për të ardhmen me partnerin. Gjatë intervistës, Olta u shpreh se një ndër arsyet pse ajo nuk ka dashur ta bëjë publike lidhjen ishte sepse donte të shijonte një lidhje të shëndetshme. “Besoj se partneri im nuk e meriton të quhet vetëm i dashuri i Olta Bokës. Ai është një individ, një personalitet i cili punon fort për karrierën e tij dhe për gjërat që do vetë. Për të mbrojtur si të, si personalitetin e tij, do të doja shumë që të ishte e kundërta e gjithë kësaj dhe të quhesha unë e dashura e tij”, është shprehur Olta. Pyetur nga Rudina Magjistari, këngëtarja gjithashtu ka zbuluar se fillimisht ajo dhe Ivi janë njohur në shkollë dhe më pas nëpërmjet disa miqve të përbashkët. “Historikisht kam qenë e prirur për familje dhe e mendoj si investimin më të madh. Për mua është gjëja më e rëndësishme dhe më e shenjtë që mund të kenë njerëzit. Nuk e di nëse familja ime do të ishte e madhe apo e vogël. Kjo do të vijë në baze të pjesës ekonomike dhe në bazë te rrethanave, do t’ja lë kohës”, ka shtuar këngëtarja, duke zbuluar kështu planet për një të ardhme me të fejuarin e saj./revistawho.com
https://www.instagram.com/p/BvUe-aAHykN/
