Aktorja e njohur Olta Gixhari ishte e ftuar pasditen e sotme në emisionin ‘Rudina’. Ajo foli gjatë për punën e saj në teatër dhe rolin e Xhenit në ‘Opera për tre grosh’. Por në fund moderatorja e ngacmoi paksa edhe për jetën e saj personale. E pyetur nga Rudina për lidhjen e saj, Olta u shpreh me ironi se ka probleme me memorien, ndaj nuk e mban mend. Ajo shtoi gjithashtu se tani nuk është në një lidhje. “Po, jam single. Nuk do doja të isha vetëm, por jam vetëm. Asnjëherë nuk është mirë të jesh pa partner”-u shpreh Olta. Para disa kohësh ajo shijonte e lumtur lidhjen e saj me një djalë 23-vjeçar nga Tirana.
