Si e kupton bota në kohën e ‘Instagram-it’ si i kanë punët çiftet e showbiz-it? Në mënyrën më të thjeshtë të mundshme, duke i përndjekur në rrjete sociale. Edhe Oriola Marashi me Eros Grezdën nuk i shpëtuan kësaj metode vëzhgimi. Prej ditësh, në media qarkulloi lajmi se çifti (që ishte duke planifikuar martesën) janë ndarë. Detaji i parë që na e tregoi këtë ishte fakti nuk e ndiqnin më njëri-tjetrin në ‘Instagram’. E pas këtij momenti pamë ca postime që mund të interpretoheshin shumë lehtë si kunja nga ana e modeles për Erosin. Më tej miq të çiftit e konfirmuan ndarjen.
Po tani çfarë ndodhi? Oriola dhe Eros kanë filluar ta ndjekin sërish njëri-tjetrin në ‘Instagram’ dhe ky detaj nuk i shpëtoi fansave e as medias. Gjërat duket se janë zbutur mes tyre dhe janë në rrugën e mbarë të pajtimit. Megjithatë na duhet të presim për ndonjë postim tjetër nga ata të rrallët që çifti bën, për të konfirmuar tamam këto supozime./revistawho.com
