Aktorja turke Hande Erçel vazhdon të jetë në vëmendje të mediave turke dhe së fundmi bukuroshja deklaroi ndarjen nga i dashuri i saj, këngëtari Murat Dalkiliç. Çifti gjatë lidhjes së tyre kanë kaluar shumë kriza dhe tani kanë vendosur të mbeten thjesht miq. Ndërkohë sipas mediave turke Hande ka nisur shkëndijat e para të dashurisë me aktorin e njohur Kerem Bursin. Hande dhe Kerem luajnë së bashku në serialin që po transmetohet tani në Turqi “Sen Çal kapimi”. Kimia mes tyre ka rënë shumë në sy, por kjo kimi duket të jetë jo vetëm në serial, por edhe jashtë tij. Dy aktorët janë parë të flirtojnë me njëri-tjetrin dhe çdo moment e kalojnë bashkë. Edhe fansat shprehen se Hande dhe Kerem shkojnë shumë me njëri-tjetrin e do donin t’i shihnin bashkë edhe jashtë serialit. Ndërkohë “Sen Çal Kapimi” ka patur shumë sukses dhe një shikueshmëri shumë të lartë duke u cilësuar si një nga serialet më të mirë të kësaj vere./revistawho.com
