Rikthimi në skenë i Elvana Gjatës është një ndër ngjarjet e shumëpritura të showbiz-it shqiptar. Pas 4 muajsh shkëputje, këngëtarja ka zgjedhur ditën e Pavarësisë për të qenë edhe një herë afër publikut. Elvana do të performojë në një event të organizuar nga bashkëshortja e kryeministrit të Kosovës Ramush Haradinaj, Anita Muçaj, dhe ndryshe nga vitet e tjera koncerti do të jetë me ftesa dhe jo në shesh. Mirëpo, pak orë përpara eventit, Gjata ka vendosur të kalojë pak kohë në shoqërinë e bashkëpuntorëve të saj dhe njëkohësisht miqve më të mirë. Ka qenë stilisti i saj personal Valdrin Sahiti, i cili ka publikuar fotot nga darka, ku shfaqen në një ambjent shumë të ngrohtë në praninë e zonjës Haradinaj dhe gazetarit Alaudin Hamiti.Elvana shihet e veshur me një bluze të bardhë sportive me kapuç e flokët e kapur bisht duke biseduar në një rehati totale. Ajo çfarë bëri përshtypje është se stilisti i ka fshirë fotot menjëherë pas publikimit.
Kujtojmë që klipi i fundit i këngëtares është ‘Mike’ në bashkëpunim me Ledri Vulën dhe John Shahun, i cili u kthye në hitin e verës./revistawho.com
