Një ngjarje e rëndë ka ndodhur gjatë një koncerti të grupit “Mirror” në Hong Kong, teksa ekrani gjigant është shkëputur dhe ka rënë në skenë, mbi balerinët që po performonin.
Përveç balerinëve, janë lënduar edhe tre persona nga audienca.
Sipas shefit ekzekutiv, qeveria do të hetojë dhe rishikojë procedurat e sigurisë për mbrojtjen e këngëtarëve, trupës performuese, stafit dhe gjithashtu publikut. Për fat të mirë, asnjë nga pjesëtarët e grupit, nuk është lënduar.
Ata kishin planifikuar të mbanin 12 shfaqje në vend, por duket se me këtë që ndodhi, do të kenë pengesa e probleme.
Qeveria i ka urdhëruar djemtë të shtyjnë shfaqjet e tyre të ardhshme, sepse për momentin të gjithë janë të tronditur dhe po marrin veten.
