Dita e mërkurë e 20 prillit do të ndikohet nga masa të paqendrueshme të cilat do të sjellin dendësim vranësirash dhe reshje shiu më të përqendruara në pjesën veriore e atë qendrore të vendit.
Në veri hera-herës reshjet do të marrin karakterin e shtrëngatave. Në jug do të ketë shi të dobët lokal.
Era do të fryjë nga kuadrati i jugut e lehtë dhe përkohësisht mesatare. Përgjatë brigjeve detare do të jetë përkohësisht e vrullshme, pasuar nga valëzim në dete i forcës 3-4 ballë.
Temperaturat parashikohen: në zonat malore 4 deri 12°C, në zonat e ulëta 7 deri 18°C dhe në zonat bregdetare 10 deri 18°C.
