Alison Carey, motra e Mariah Carey ka denoncuar këngëtaren pasi ka përjetuar ankth emocional nga aludimet e saj. Alison kërkon 1.25 milion dollarë dëmshpërblim nga Mariah. Në librin e saj, Mariah pretendon se Alison “i ka dhënë valium, u përpoq ta prostituonte dhe i hodhi një filxhan me çaj të nxehtë duke i shkaktuar djegie të shkallës së tretë”, kur këngëtarja ishte 12 vjeç.
Ndërkohë Alison e akuzon Mariah-n se i ka bërë këto deklarata për të rënduar më shumë gjendjen e saj mendore duke qenë se ajo vuan nga trauma, e shkaktuar nga dhuna e ushtruar nga nëna e saj në fëmijëri.
Alison pretendon se e ëma e tyre i nënshtronte në rituale satanike dhe aktivitete seksuale. Ajo ka denoncuar edhe të ëmën për abuzim seksual. Alison ka treguar se ka vuajtur nga nje dëmtim traumatik i trurit dhe Mariah po shfrytëzon famën për ta sulmuar dhe për të promovuar librin e saj.
