Bashkëpunimi i fundit i Erës dhe Nora Istrefit është pritur shumë mirë nga publiku dhe në vetëm pak ditë, ‘Nuk e Di’ dëgjohet në çdo platformë. Pas këtij suksesi, mesa duket Nora ka vendosur që të riktheje dhe njëherë këngën ‘Tymi Dashnis’, me këngëtarin e njohur Irkenc Hyka. Këngëtarët e lajmëruan publikimin e këtij projekti shumë kohë më parë, por kjo gjë nuk ndodhi. Sipas ‘Prive.al’, ka qenë Nora ajo që e ka anuluar këngën edhe pse ishte gati dhe kështu ‘Tymi Dashnis’ erdhi vetëm nga Irkenci. Edhe ky projekt u prit mirë dhe mori shumë shikime në ‘Youtube’, ndërsa tani do të dëgjojmë pjesën e dytë të kësaj kënge, edhe pse jo me videoklip. Irkenci dhe Nora kanë zbuluar nëpërmjet një postimi në ‘Instagram-in’ e tyre se kënga do të publikohet ditën e sotme në orën 18:00 dhe me siguri, të gjithë fansat e dyshes po presin me padurim./revistawho.com
