Pas lajmeve të ndarjes, Stresi reagon për herë të parë publikisht

Stresi dhe Kejsi kanë qenë në qendër të vëmendjes kohët e fundit, pasi që pas daljes së tij nga burgu përflitet se lidhja e tij me Kejsin mund të ketë marrë fund. Asnjë nga ata nuk e ka konfirmuar dhe as mohuar këtë thashethem, por veprime të ndryshme të tyre në rrjete sociale ngritën dyshime për një ndarje të mundshme. Mirëpo së fundmi, gjatë një interviste me Roza Latin në “Bukë me vete”, Stresi ka folur për herë të parë në lidhje me këto thashetheme, ku është shprehur kështu: “Nëse e keni vënë re, unë s’kam postuar kurrë për asnjë gjë. As nuk do të postoj kurrë. Janë çështje që nuk është hera e parë që i kalojmë. Unë jam shumë i fortë, unë e kaloj shumë shpejt çdo gjë. Kështu që…”. Reperi ka folur gjithashtu për këngën e tij “Love Story”, të cilën ia ka dedikuar Kejsit dhe ka treguar se ajo ka qenë kënga e tij më e vërtetë dhe që ka mbledhur disa nga kujtimet më të bukura. Stresi vazhdon t’ja dedikojë këtë këngë Kejsit, gjë që tregon se gjërat mes tyre mund të mos jenë aq të tensionuara sa duken në sy të publikut./revistawho.com