Pak kohë më parë dy nga figurat më të dashura të spektaklit të humorit ‘Portokalli’, ikën nga ky program dhe njoftuan publikun që së shpejti do sjellin një emision të ri ku do jenë të dy protagonistë. Bëhet fjalë për Bes Kallakun dhe Erion Isain, emisioni i të cilëve sigurisht që do të ketë në qendër humorin dhe publiku po e pret me padurim. Në pritje të nisjes së tij kanë filluar edhe hamendsimet e para për televizionin ku do transmetohet. Pikërisht për këtë fakt sot ka qarkulluar një lajm, sipas të cilit dyshja e aktorëve do ta sjellë këtë spektakël në ‘Klan Plus’.
Në një prononcim ekskluziv për Revistawho.com, Erion Isai ka mohuar vërtetësinë e këtij lajmi. “Nuk do jemi në Klan Plus, ky lajm nuk është i vërtetë”, -zbulon ai. I pyetur mbi televizionin ku do të transmetohej në të vërtetë emisioni, Erioni nuk pranoi të zbulonte asgjë. “Është ende herët për të treguar”, -përfundoi i fjalën e tij./revistawho.com
