Pak ditë më parë, Kida ndau me të gjithë fansat lajmin se nuk do të ishte më pjesë e labelit ‘On Records’. Përmes një postimi në ‘Instagram’ ajo nuk ngurroi të falënderonte menaxherët dhe gjithë stafin e ‘On Records’ për punën që kanë bërë me të që nga fillimi i karrierës. Pavarësisht se largimet janë gjithmonë të vështira, duket se Kida ka arritur t’i gjejë shpejt bashkëpunëtoret e rinj. Ditën e sotme ajo ka treguar se kompania ‘AVD Digital’ do të marrë nën menaxhim këngët e saj. Megjithatë ende nuk dihet se cilët do të jenë producentët që do të merren me gjithë prodhimin e këngëve të Kidës. Gjithsesi këngëtarja ka zbuluar se shumë shpejt do të vijë me projekte të reja. Kida e ka nisur karierën e saj në vitin 2014 dhe gjatë këtyre viteve ka arritur të renditet ndër këngëtaret më të pëlqyera dhe të dëgjuara. /revistawho.com
