Pajtim Kasami është futbollisti i njohur shqiptar i cili luan për skuadrën e Sion në Zvicër. Futbollisti ka ndërtuar një karrierë të suksesshme dhe kjo e ka bërë mjaft të lakmuar nga vajzat. Shpesh ai është komentuar në media për marrëdhëniet me vajza të famshme të ekranit. Në vitin 2015 Kasami u fotografua në ishullin e Mikonos krahas këngëtares me famë botërore Nicole Scherzinger. Ata shiheshin mjaft të afërt dhe u aludua për një lidhje të mundshme mes tyre.
Tre vite më vonë Kasami ka zyrtarizuar lidhjen e tij me modelen Carmen Bruendler. Ata shfaqen mjaft të dashuruar dhe shpesh publikojnë foto mjaft të bukura me njëri-tjetrin.
Një urim mjaft i bukur ka ardhur edhe nga miku i tij i ngushtë Blerim Destani, i cili ka postuar një foto në ‘Instagram’ ku i uron lumturi me Carmen
“Ku ka dashuri ka dhe jetë. Urime vëlla. Gëzohem të të shoh të lumtur”,- shkruan Blerimi krahas fotos.
Kujtojmë se futbollisti vite më parë është përfolur edhe për një histori dashurie me modelen shqiptare, Angela Martini me të cilën mendohet se ka qenë i lidhur për rreth tre muaj./revistawho.com
