Pas ndarjes nga jeta të ish-gruas, reperi i njohur bën deklaratën e ndjerë

Më 15 nëntor aktorja dhe modelja 47-vjeçare, Kim Porter, u gjet e pajetë në shtëpinë e saj, pasi tha se po luftonte me gripin, që u shndërrua në pneumoni. Pas këtij lajmi të rëndë të gjithë janë shokuar dhe sigurisht ata që po e vuajnë më shumë janë familjarët dhe personat që e kanë njohur personalisht.
Njëri prej tyre është reperi P.Diddy, i cili sipas mediave të huaja është në gjendje të rënduar mendore.
Teksa ditën e djeshme ajo është përcjellë për në banesën e fundit, reperi ka bërë një dedikim të ndjerë në rrjetet sociale. Meqenëse një pjesë të jetës e kanë kaluar së bashku, ai ka zgjedhur momentet më pikante dhe i ka publikuar në ‘Instagram’ së bashku me një dedikim.
“Tre ditët e fundit jam përpjekur të zgjohem nga ky makth. Por nuk kam mundur. Nuk e di se çfarë do të bëj pa ty zemër. Më mungon kaq shumë. Sot do të bëj nderime për ty, do të përpiqem të gjej fjalët për të shpjeguar marrëdhënien tonë të pashpjegueshme. Ishim më shumë se miq të ngushtë, ishim më shumë sesa shpirtra binjakë. Ishim një dreq gjëje tjetër!”, shkruan reperi.
https://www.instagram.com/p/BqVMxmFHzYR/
Këtë postim ai e ka pasuar edhe me disa foto të tjera të familjes së tyre, ku tregon se do e dojë gjithmonë dhe se nuk e imagjinon dot jetën pa atë.
Pavarësisht se P.Diddy dhe Kim Porter ishin të divorcuar, ata kishin një marrëdhënie të mirë dhe shpesh shiheshin në shoqëri të njëri-tjetrit./revistawho.com
https://www.instagram.com/p/BqWRiILHjET/