Pas nënshkrimit me Universal Music Group, Enca hapat në karrierë do t’i marrë bashkë me një staf të madh. E duke qenë se “Vevo” është në pronësi dhe drejtohet nga “UMG”, Enca do t’i duhet që këngët e reja t’i publikojë në kanalin e sapo hapur “EncaVevo”. Kanali i deritanishëm me mbi çerek milioni ndjekës do t’i hapë rrugën kanalit të ri të menaxhuar nga “Vevo”. Enca ka njoftuar në Instagram se videot tani e tutje do të dalin në kanalin e ri dhe pritet që shumë shpejt ajo të publikojë edhe këngën e re “Love on my body” në këtë kanal./revistawho.com
