Ditën e djeshme në mediat botërore qarkullo lajmi se Justin Bieber i kishte dhënë fund beqarisë dhe i kishte propozuar martesë të dashurës së tij, Hailey Baldwin. Nuk kaloi shumë dhe vetë këngëtari e ndau lajmin e fejesës nëpërmjet një statusi romantik në rrjetet sociale, ku e quan Haileyn gruan e jetës së tij.
“Do të prisja pak për të të thënë çdo gjë, por fjalët i merr era, Hailey unë jam shumë i dashuruar me gjithçka tënden. Pra, jam gati për të kaluar jetën time duke njohur çdo pjesë tënde, të të dua me durim dhe ëmbëlsi. Premtoj ta udhëheq familjen tonë me nder dhe integritet, duke e lënë Jezusin nëpërmjet frymës së shenjtë të na udhëzojë në gjithçka që bëjmë dhe në çdo vendim që marrim. Zemra ime është plotësisht e jotja dhe unë gjithmonë do të vendos ty në krye! Ti je dashuria e jetës sime Hailey Baldwin dhe unë nuk do të doja ta kaloja atë me dikë tjetër. Ti më bën të ndihem kaq mirë! Mezi po pres për periudhën më të mirë të jetës! Është qesharake, sepse tani me ty gjithçka duket të ketë kuptim! Gjëja për të cilën jam më i emocionuar është se vëllai dhe motra e vogël do të shohin një martesë të shëndetshme, të qëndrueshme dhe do të kërkojnë të njëjtën gjë. Koha e Zotit është me të vërtetë e përkryer, u fejuam në ditën e shtatë të muajit të shtatë, numri shtatë është numri i përsosjes shpirtërore, është e vërtetë, kërkojeni në “Google”! A nuk është çmenduri? Nuk e kisha planifikuar këtë, gjithsesi ndihem mirë që do ta sigurojmë të ardhmen tonë bashkë! Do të jemi më mirë në të 70-at zemër! “Ai që gjen një grua, gjen një gjë të mirë dhe merr favore nga Zoti!” Ky është viti i favorit!!- ka shkruar Justin Bieber./revistawho.com
https://www.instagram.com/p/BlBvw2_jBKp/?taken-by=justinbieber
