Vdekja e papritur e aktorit të ‘Ertugrul’, ‘Goktug’, ishte një humbje e madhe për të gjithë, sidomos për kastin e aktorëve që kanë punuar me të. Shumë prej tyre kanë shprehur ngushëllimin në rrjetet sociale, ku kanë treguar se kjo humbje ishte shumë e dhimbshme.
“Humbëm vëllain, shokun e klasës dhe mikun Arda Oziri. Jemi shumë të pikëlluar. Nuk gjej fjalë. Qoftë i parajsës”, tha Duzyatan, aktori kryesor i ‘Ertugrul’.
Edhe ‘Halimeja’ ka shprehur trishtimin e saj për këtë humbje të parakohshme.
“Të gjithë jemi shumë të pikëlluar, u prehsh në parajsë vëlla”,- ka shkruar Esra Bilgiç.
Arda Oziri, ndërroi jetë në moshën 36-vjeçare, në një aksident me motor të dielën rreth orës 3:30 të mëngjesit. Ai u aksidentua teksa po shkonte në shtëpinë e tij pasi kishte ndjekur finalen e ‘Champions League’ me një mikun e tij./revistawho.com
