Vdekja e princit Philip ka bërë që Meghan Markle të reflektojë mbi ngjarjet e fundit, siç ishin edhe deklaratat e forta kundër pallatit mbretëror në intervistën me Oprah. Mediat e huaja raportojnë se Meghan ka vendosur të falë familjen mbretërore pas vdekjes së princit Philip dhe të lërë mënjanë pakënaqësitë. Ndonëse u tha se Meghan nuk udhëtoi për në Mbretërinë e Bashkuar për shkak të shtatzënisë, raportohet se dukesha e ka marrë këtë vendim sepse nuk dëshiron të jetë në qendër të vëmendjes. Madje ka qenë ajo që e ka inkurajuar Harryn të shkojë pranë familjes për t’i qëndruar afër në këtë moment të vështirë.
“Meghan po e mbështet Harryn në këtë moment. Ajo e la në dorën e tij nëse duhet të marrë apo jo pjesë në funeral. Meghan mendon se në këtë moment të vështirë familja duhet të qëndrojë e bashkuar dhe të lënë pas pakënaqësitë. Këtë do të donte edhe princ Philip dhe ajo dëshiron t’i falë e të vazhdojë përpara”-tha burimi për Mailonline.
