Camila Cabello dhe Shawn Mendes publikuan këngën e tyre më të re me titull ‘Senorita’, ku të dy u bënë pjesë e disa skenave provokuese. Pas reagimeve të shumta të fansave, këngëtarët u detyruan të bëjnë publike lidhjen e tyre dhe që nga ajo kohë, janë parë disa herë në ambiente publike duke u përqafuar apo duke u puthur. Këtë herë, një fanse e tyre ka publikuar një video ku Camila dhe Shawn shfaqen duke shkëmbyer disa puthje dhe sipas tyre, çifti është ende në fazën e muajit të mjaltit, duke shijuar çdo moment bashkë. Sipas “E!News”, Camila është duke shoqëruar Shawn në turnet e tij, pasi nuk do të ndahet në asnjë moment nga partneri i saj. “Senorita” ishte bashkëpunimi i dytë i Camila-s dhe Shawn, pasi disa vite më parë çifti erdhi me një hit të quajtur “I Know What You Did Last Summer”./revistawho.com
