Në media është aluduar shpesh se marrëdhënia mes Tunës dhe Nora Istrefit si dy kunata nuk është aspak e mirë. Madje shtuar kësaj, të gjithë kanë vënë re se vëllezërit, Robert dhe Patris Berisha dhe bashkëshortet e tyre mungojnë gjithmonë në festat familjare të njëri-tjetrit. Pak ditë më parë Tuna dhe bashkëshorti i saj Patrisi, organizuan një festë për dy vjetorin e lindjes së djalit të tyre Tian. Në këtë festë, dyshja Robert dhe Nora munguan, duke mos e treguar arsyen.
Burimet për “Lajme.net”, zbulojnë se acarimi i Robertit dhe Norës vjen nga ftesa e Tunës që i kishte bërë Aronës, vajzës tjetër të Robertit, për të cilën ai ka folur shumë pak për të mos thënë fare, pasi ky fëmijë i Robertit është mohuar ndër vite nëpër media. Gjithashtu burimi ka treguar se Tuna është përpjekur gjithmonë që të afrojë vogëlushen me familjen dhe duket se kjo gjë nuk i ka pëlqyer çiftit.
Arona prej vitesh jeton në Londër me nënën e saj dhe thuajse nuk ka komunikim me familjen e Robertit./revistawho.com
