Mbrëmjen e kaluar, Armina Mevlani ka qenë e ftuar në emisionin “Top Show Magazine”, ku ka zbuluar disa detaje nga dasma e saj. Ajo ka treguar se dasma e shumëpritur do të mbahet vitin tjetër dhe do të jetë një dasmë me detaje ku do të mbizotërojnë modernet. E pyetur se si do të jetë grimi në dasmën e saj, Armina është shprehur se do të jetë natyral.
“Do të jetë diçka më ndryshe, nuk do të jetë klasike. Për grimin jam absolutisht tek e thjeshta. Ndoshta jo aq shumë ujë dhe sapun, sepse Meghan ishte shumë e thjeshtë dhe i përshtatet. Mua nuk më pëlqen grimi i ekzagjeruar dhe nuk ndihem vetvetja”.
Ndërsa për fustanin, dy ditë më parë në emisionin “Po Culture”, blogerja ka treguar se ka përzgjedhur dy, një madhështor dhe tjetri sirenë, por pa zbuluar më shumë detaje. Megjithatë, mbrëmjen e djeshme ajo tregoi sesi e imagjinon fustanin e parë madhështor dhe do të jetë i ngjashëm me atë të aktores amerikane, Grace Kelly, e cila u martua me Princin Rainier III të Monakos më 19 prill 1956.
“Më pëlqen fustani i Grace Kelly-t por nuk e di sesi do e përshtat, varet dhe sesi e ndjen veten më mirë”,- ka thënë Armina./revistawho.com
