Ermal Mamaqi vendosi të realizonte trajnimin e tij ‘Mendo Ndrysho’, për disa ditë radhë dhe ajo që ra në sy ishte fakti që pati grumbullime të mëdha njerëzish. Videot nga organizimi kanë qarkulluar pafund online duke i bërë të gjithë të flasin, ndaj edhe shteti mori masa duke gjobitur aktorin për thyerjen e masave të mbrojtjes ndaj Covid-19. Sot Ermali ka reaguar vet me një postim ku sqaron çdo gjë, por mbi të gjitha kërkon ndjesë për shqetësimin ndaj publikut.
“Miq të dashur, ju kërkoj ndjesë për shqetësimin që ju është krijuar nga fotoja e aktivitetit. Më lejoni t’ju sqaroj që Trajnimi ‘Mendo Ndrysho’ pritej të bëhej nga një grup i vogël njerëzish, kryesisht stafi ynë, duke respektuar masat e Covid-it. Por ndodhi që në trajnim erdhën më shumë nga çfarë ishte planifikuar dhe e kishim të vështirë të mos i pranonim brenda…vSidoqoftë edhe pse u munduam të kishim një distancë si ajo që është në kinematë që vazhdojnë aktivitetin, marr përgjegjësi të plotë për rastin që nuk duhet të ndodhte. E di që situata që po kalon i gjithë planeti është shumë sfiduese. Por pikërisht kjo situatë më ka shtyrë të bëj këtë që po bëj tani. Të ndaj me ju mësime që i kam mësuar nga më të mirët dhe i kam aplikuar në jetën time. Ajo që ndodh në këto trajnime është e mrekullueshme, njerëzit janë më të motivuar për jetën, punën dhe të ardhmen. A nuk është kjo ajo që duam? Më falni miq që nuk jam modest, por nuk mund ta mbaj vetëm për vete diçka që e di me siguri se tranformon jetën tuaj dhe e bën atë më të bukur dhe me vlerë. Ju falenderoj për mirëkuptimin dhe ju sqaroj përsëri që dendësia e njerëzve në sallë nuk ishte më e madhe se ajo që është në autobus, Korçë ose kur kanë oferta qendrat tregtare. Ju uroj të gjithëve që të jeni mirë bashkë me familjet tuaja! Deri në rikthimin e normalitetit trajnimet do të jenë të gjitha online”, ka sqaruar Mamaqi./revistawho.com
