Prej disa javësh në mediat rozë qarkulluan lajme se Inva Mula dhe Hetem Ramadani i kishin dhënë fund martesës së tyre. Megjithatë këto rezultuan si lajme të rreme, sepse Inva i hodhi poshtë publikisht. Përpara pak ditësh në emisionin “I ftuari”, sopranoja shqiptare u shpreh se gjithçka është bërë me qëllim që të largohet vëmendja nga projektet e saj artistike. Për më tepër sot Inva ka shuar edhe dyshimet më të vogla për ndarje, përmes një fotografie shumë romantike me bashkëshortin e saj. Mbrëmjen e djeshme Mula ka qenë e pranishme në koncertin për fondacionin Gjelosh Gjokaj dhe sigurisht aty nuk ka munguar as Hetemi.
Në fund të koncertit ata të dy kanë bërë një fotografi së bashku, përmes së cilës tregojnë se janë të dashuruar si asnjëherë tjetër.
Inva dhe Hetemi janë përfolur edhe vite më parë për një divorc, por mesa duket të tilla lajme kanë ndikuar akoma dhe më shumë në forcimin e marrëdhënies së tyre. Kujtojmë se çifti i njohur janë edhe prindër të një vajze 7-vjeçare të quajtur Nina. /revistawho.com
