Ky sezon televiziv ka qenë një ndër më të diskutuarit për shkak të lëvizjes së figurave të njohura nga një ekran në tjetrin. Largimi i bujshëm ishte ai i tre aktorëve të ‘Portokalli’ Bes Kallaku, Erion Isai dhe Olsi Bylykut. Tre aktorët e humorit do të nisin punën në ‘Be Caffe’ një rubrikë e veçantë në emisionin ‘E diela shqiptare’. Këtë javë do të rinisë transmetimi i dy spektakleve, por në kohë të ndryshme. Pavarësisht gjithçkaje ajo që bie më shumë në sy e që i lumturon të gjithë është miqësia që aktorët ruajnë me njëri-tjetrin. Florjan Binaj ka publikuar sot një fotografi nga provat e ‘Portokalli’ dhe nuk ka munguar një mesazh urimi nga ana e Olsi Bylykut. “Suksese të gjithëve ju uroj një sezon të mbarë dhe produktiv, shumë përqafime për të gjithë. Ju ruajtë Zoti”, – ka shkruar Olsi. Më pas ka ardhur dhe urimi i Florit për të gjithë djemtë e ‘BE Caffe’. /revistawho.com
