Këngëtari i njohur Shpat Kasapi ka reaguar pas raportimeve se ishte përfshirë në një rrahje gjatë një dasme, duke i quajtur ato thashetheme. I ftuar në emisionin Weekend në Klan Kosova, ai sqaroi se gjithçka kishte qenë vetëm një debat i vogël për shkak të vonesës dhe pagesës.
“U bë bujë e madhe, u rrah Shpati, u rrahën dasmorët. Jam nisur pak me vonesë sepse ka pasur kolonë. Kur kam mbërritur, dasmori më tha: ‘Shpat je vonuar, por këndo’. Unë i thashë se do të këndoj më shumë tash sepse jam vonuar dhe ai ishte i agravuar normal. Në fund të dasmës ishte puna e pagesës, thanë ‘ti s’ke kënduar, s’do e marrësh pagesën’. Unë pak u agravova, ata u agravuan, u bë një debat i vogël dhe kaq ka qenë. Kërkush nuk më ka prek, as nuk më ka ngacmu”, deklaroi Kasapi.
Përveç kësaj, këngëtari komentoi edhe një reagim të ish-partneres së tij, duke theksuar se marrëdhënia e tyre sot është vetëm për hir të djalit të përbashkët.
“Unë me Selvijen nuk jemi më bashkë, jemi shokë të mirë, por jo partnerë. Rrimë për hatër të djalit dhe nuk më intereson shkrimi i saj,” u shpreh ai.
