Princi Harry dhe Meghan Markle kanë publikuar kartolinën e Krishtlindjes 2021. Fotografi i tyre është Alex Lubomirski, i njëjti që i ka fotografuar në fejesën e famshme. Ata janë të ulur në një shkallë dhe vet fotografi ka rrëfyer ndjesitë me pak fjalë. “Ky është një nga ato projekte të rralla dhe të veçanta, të cilat njeriu ka fatin të jetë pjesë. Të isha në gjendje të vazhdoja historinë e kësaj familjeje të cilën fillimisht e fotografova si çift të fejuar, më pas në ditën e dasmës së tyre, si çift i martuar dhe tani duke parë dashurinë e tyre të manifestuar në dy fëmijë të bukur, ka qenë një nder”, ka shkruar Alex krah shkrepjes.
Kjo është hera e parë që Princi Harry dhe Meghan Markle kanë publikuar një foto me vajzën e tyre, Lilibet./revistawho.com
