Një muaj para mbrëmjes së “Oscar” që do mbahet më 27 mars janë zbuluar emrat e prezantueseve në ‘Good Morning America’. Prezantueset do të jenë Amy Schumer, Regina Hall dhe Wanda Sykes. Treshja e zonjave me sens humori që i dallon nga të tjerët pritet ta bëjë ndarjen e çmimeve një natë për t’u mbajtur mend. “Ne duam që njerëzit të përgatiten për të kaluar një kohë të mirë. U bë shumë kohë”, thanë zonjat në një deklaratë.
Producenti Will Packer ka shtuar gjithashtu: “Shfaqja e këtij viti ka të bëjë vetëm me bashkimin e dashamirësve të filmit. Ne kemi zgjedhur tre nga gratë më dinamike dhe gazmore. E di që argëtimi që do të sjellin Regina, Amy dhe Wanda do të përkthehet edhe tek audienca jonë. Prisni të papriturën”,- tha ai.
Kjo është hera e parë që nga viti 1987 që tre moderatorët e Oscar do të jenë vetëm gra!/revistawho.com
