Ata që mezi presin të premten t’ia mbathin apo ata që mezi presin të flenë deri në 10? Udhëtime laps e letër apo “të dalë ku të dalë?”… Plazhi më “in” i jugut apo një qoshkë e fshehur për qejf të shpirtit? Bileta që të çojnë larg apo salloni i shtëpisë para tv? Edhe kështu, edhe ashtu. Sepse fundjavat e verës kanë tjetër shije. Zbuloni sot fundjavën verore të Inger Skurës…
Cili është mendimi i parë që të sjell e premtja verore?
- Ç’është e verteta çdo e premte mua më jep shumë gëzim sepse mendoj se si do e kaloj fundjavën që mezi e kam pritur. Aq më shumë të premtet verore që dihet, na pret deti, plazhi, netët e gjata jashtë dhe takimi me miqtë e njerëzit tanë të zemrës që ndoshta përgjatë vitit i takojmë rrallë.
A të duket sikur fundjavave të verës gjithë Instagrami ikën në plazh kurse gjithë bota është në shtëpi?
- Hahaha sa e vërtetë kjo! Sidomos kur dhe unë jam në shtëpi, është shumë “vrasëse” hahaha.
A është opsion për fundjavën tënde: “Zgjohu në 10, rri në divan fli prapë e mos dil nga shtëpia”?
- Në disa raste po. Mua më pëlqen të zgjohem vonë dhe ta marr shumë ngadalë ditën sidomos gjatë verës. Kështuqë dhe këto lloj fundjavash i shijoj shumë duke qenë se gjatë javës nuk e shijojmë shumë të ndenjurin dhe të shplodhurit në shtëpi.
Plazh larg syve të botës apo në rreshtin e parë të resortit më të famshëm?
- Unë jam tipi që më mirë larg syve të botës dhe e shijoj për qejfin tim. Lëviz shumë, por kurrë nuk tregoj ku jam. Postimet në Instagram zgjedh t’i bëj ditë më vonë përshembull. Por rrallë herë kanë lezetin e tyre dhe rastet në rreshtin e parë të resortit më të famshëm.
Fundjava më e bukur e jetës tënde që të del edhe në ëndërr?
- Portofino, Korrik 2021.
Po fundjava apo udhëtimi që do doje ta harroje?
- Nuk më vjen në mendje ndonjë fundjavë apo udhëtim të ketë shkuar aq keq.
Një fundjavë vere në plazh apo një dasmë të zhurmshme fisi?
- Mua më pëlqejnë shumë dasmat në fakt, por nëse do zgjidhja mes këtyre të dyjave, do ikja në plazh pa e menduar fare.
Bën plane të gjata e të detajuara apo destinacioni vendoset të premten pasdite në çastin e fundit?
- Gjithmonë të premten mbasdite në çast të fundit.
A nuk shijojnë më shumë të shtunat e të dielat pa plan?
- Sigurisht që poooo! Shijojnë shumë më shumë dhe dalin gjithmonë shumë më mirë sesa kur bën plane.
Përshkruaje me një fjalë të dielën në darkë…
- Në mendje çdo punë dhe lodhje që të pret gjatë gjithë javës./revistawho.com
