Së fundmi, aktori i mirënjohur Leonardo DiCaprio ndau mendimin e tij mbi aktoren që ai e konsideron si më të mirën në botë. Ai përmendi Meryl Streep, me të cilën punoi në filmin “Marvin’s Room” të vitit 1996.
“Isha vetëm 18 vjeç kur po bashkëpunoja me Meryl. Duke e parë në xhirime, mendoja se si do të dukej performanca e saj në ekran. Kur e pashë filmin në kinema, mendova se ajo është pa dyshim aktorja më e mirë në botë,” tha DiCaprio.
Bashkëpunimi i tyre vazhdoi edhe në filmin “Don’t Look Up”, ku ata ndanë ekranin sërish. Me një karrierë të pasur që përfshin shumë nominime për çmimin Oscar, DiCaprio arriti të fitojë këtë çmim prestigjioz për rolin në “The Revenant”, duke konfirmuar statusin e tij si një nga aktorët më të mëdhenj të historisë së kinemasë.
