Capital T cilësohet si një nga reperët me fizikun më të mirë dhe kjo ka ardhur si rezultat i një përkujdesjeje të vazhdueshme. Reperi ka treguar gjithmonë se një pjesë të mirë të kohës e kalon duke u ushtruar në palestër dhe tashmë ka linja trupore perfekte. Ditën e sotme ai ka zbuluar rutinën e tij stërvitore dhe dietën që ndjek për t’u kujdesur për trupin e tij. Capital T ka publikuar në ‘Instagram’ një video nga stërvitja në palestër, duke qenë se i kishte premtuar fansave diçka të tillë. Ai ka treguar çfarë ushtrimesh bën zakonisht në palestër dhe çfarë ushqimesh konsumon. “Zakonisht gjatë javës i ndaj ushtrimet, leg day 2 herë në javë dhe pjesën lart 3 herë dhe në fundjavë ose të shtunën e bëj një giant set si ky që përfshin ushtrimet bazë si bench press, squats, dealift etj. Mesin e javës të mërkurën dhe të dielën e bëj pushim, dieta është e thjeshtë larg sheqernave, ushqimeve të shpejta, brumrave, alkoolit, pijeve të gazuara e lëngjeve me shumë sheqer, si dhe larg ushqimeve të vogla në sasi po të mëdha në kalori gjithashtu e ndjek një orar i cili quhet intermittent fasting ku koha e ushqimit është brenda një periudhe 8 ore në ditë për shembull vakti i parë në 12:00 dhe i fundit 20:00”, ka shkruar Capital T përkrah videos.
https://www.instagram.com/tv/B5z0wqUhojZ/?igshid=1ou3ridxhwsh4
Përgjatë viteve të karrierës reperi është transformuar plotësisht në trup dhe tashmë ja ka arritur qëllimit të tij. /revistawho.com
