Luana Vjollca njihet si një nga moderatoret më seksi në ekranet shqiptare. Ajo di si të fitojë vëmendje, është mjaft simpatike dhe e suksesshme. Sigurisht që këto fakte janë përkthyer edhe në një numër të lartë ndjekësish në profilin e saj personal në ‘Instagram’ ku është shumë aktive. Siç edhe mund ta keni vënë re, Luana nuk nguron të publikojë foto nga pushimet, nga programet që prezanton, klipet muzikore, ose përditshmëria.
Së fundmi ajo është larguar për pak ditë pushimi nga Shqipëria, drejt Austrisë bashkë me familjen e saj dhe më tej në Maldive. Sigurisht, fotot nga dy destinacionet e zgjedhura prej saj kanë marrë vëmendjen e të gjithëve, por ka një detaj që na ra në sy së fundmi.
Në shumicën e fotove që realizon, Luana kujdeset që ta nxjerrë njërën këmbë përpara dhe e mban pak të ngritur, gjithashtu një pjesë e tyre janë të realizuara në profil. Kjo ‘hile’ që moderatorja përdor të bën të dukesh më bukur dhe nxjerr në pah linjat.
Nëse edhe ju dëshironi të realizoni fotot perfekte për ‘Instagram’ mbase mund t’ju vlejë përdorimi i kësaj ‘hileje’ që e mësuam nga Luana. / revistawho.com
