Ylli i ‘Keeping Up with Kardashians’ është kthyer në një nga femrat më me influencë për brezin e ri. Shumë vajza e shohin si një model që duhet ndjekur, sidomos për linjat e saj trupore si dhe për risitë që sjell në ‘make up’. Por pavarësisht se duket se Kim Kardashian ka një trup dhe fytyrë perfekte, duhet thënë se ajo di dhe të përkujdeset që të shfaqet gjithmonë në ‘top’ formë.
Për të pasur një fytyrë të freskët që arrin t’i ‘bëjë ballë’ edhe gjithë ‘make up’-it që ajo përdor, Kim ka treguar një trajtim fytyre të zakonshëm të saj. Ajo ka shfaqur me anë të disa postimeve të gjithë procesin që ndjek për trajtimin e fytyrës në një qendër estetike të specializuar për fytyrën.
Kim ka vendosur që këtë trajtim fytyre ta bëjë gjatë orëve të vona të natës, duke qenë se fytyra është më e qetë, larg streseve të ditës dhe e pastruar totalisht nga ‘make up’-i. Ajo e ka nisur me një masazh relaksues për fytyrën dhe më pas ka vazhduar me teknika më të avancuara.
Kujtojmë se Kim Kardashian ka promovuar për herë të parë metodën e trajtimit të fytyrës me plazëm, injektimi i gjakut në fytyrë për të rigjeneruar lëkurën.
