Victoria Beckham ka arritur të krijojë emër në industrinë e modës dhe të dizajnit. Firma e saj ‘Victoria Beckham’ është një ndër më të njohurat dhe gjithmonë sjell trendet më të fundit të modës. Por Victoria nuk shqetësohet aspak se cili do të jetë ai person që do të vazhdojë të kujdeset për këtë biznes dhe do të ndjekë pasionin e saj, sepse atë e ka brenda në shtëpi.
Vajza e saj 6-vjeçare Harper Beckham ka filluar që tani të stilojë veshje të ndryshme për kukullat e saj. Këtë gjë e ka treguar vetë Victoria me anë të disa fotografive në ‘Instagram’. Të gjitha veshjet e stiluara prej Harper, kanë të stampuar emrin e saj kudo. Gjithashtu vlen të përmendet se Victoria ka bërë një punë shumë të mirë me vajzën, sepse të gjitha rrobat e stiluara nga dora e Harper duken që janë të ndikuara prej stilit të veçantë të mamit të saj. /revistawho.com
