Përflitet prej kohësh tashmë se modelja e njohur, Oriola Marashi është në një lidhje me futbollistin Eros Grezda. Dyshja nuk e ka mohuar, madje postimet e njëjta në rrjete sociale janë bërë më të shpeshta. Edhe në ditëlindjen e futbollistit pak ditë më parë Oriola përgatiti një tortë të cilën ai nuk hezitoi ta publikojë në rrjetet e tij sociale, madje duke e shoqëruar me zemra. Së fundmi në një intervistë për “Top Channel”, ka qenë futbollisti ai që e ka pranuar publikisht këtë fakt.
“Po, më në fund erdhi lajmi që mund të vazhdojmë stërvitjen. Do fillojmë të stërvitemi me grupe me trajnerin e Atletikës. Pastaj do të shikojmë se si do të shkojë situata, mbase mund të shkojmë në ndonjë vend për përgatitje. Ajo nuk dihet. Si fëmijë, kam qenë shumë i dhënë pas Formula 1. Kur mbaroj stërvitjen, luaj online Formula 1. Nuk është se kam festuar ndonjë gjë thjesht, e kam kaluar në shtëpi. Më ka ndihmuar e dashura për tortën”, u shpreh Grezda duke konfirmuar kështu për herë të parë lidhjen.
