Ditën e sotme një video e Rita Orës me flanurin serb në dorë teksa performonte në skenë, ka bërë xhiron e rrjetit. Pas zhurmës dhe komenteve se nuk ka respektuar origjinën e saj, Rita ka bërë një reagim të shpejtë.
Në një deklaratë për “Klan Kosova”, ajo ka sqaruar se flamuri i ishte dhënë nga një fans dhe nuk e ka ditur se cilit shtet i përkiste.
“Mbrëmë gjatë performancës në Festival SZIN në Hungari, m’u dha një flamur nga një fans. Prej ndriçimit direkt në sy e në skenë, nuk pashë qartë se cilin shtet përfaqësonte flamuri. Sapo dola nga skena, kuptova se ishte një flamur serb e jo hungarez. Përderisa i mbështes të githë fansat e mi, nga të gjitha vendet dhe kulturat, dua të bëjë shumë të qartë se jam një shqiptare krenare e Kosovës, dhe nuk ishte qëllimi im të mos respektoja trashëgimin time, ose të mërzisja popullin tim ose familjen time”, është shprehur Rita.
