Ori Nebijaj ka pranuar zyrtarisht mandatin si deputete e PD-së, duke zëvendësuar Grida Dumën, e cila dha dorëheqjen.
Ajo ka dhënë intervistën e saj të parë që pasi pranoi mandatin e deputetes duke hequr dorë nga emisioni “Për’puthen.”
“Do jem gjithmonë Ori, nuk dua që kjo të ndryshojë kurrë edhe pse tani me mandatin e deputetes i detyrohem zyrtarisht etiketës edhe të qenit zyrtar. Dy javë dilemë sepse e para erdhi pak si surprizë, sepse nuk e prisja që Grida Duma të jepte dorëheqjen. Jam e sigurt që ajo do t’i mungojë politikës. E mendova sepse koha kur unë kandidova dhe pala politike me të cilën kandidova, me ato në cilat poltika gjendet sot, janë shumë ndryshe.”
Cilat janë kauzat për të cilat do të luftojë Ori?
“Ka disa që i mendoj dhe nuk dua të jem e nxituar sepse sado që jam munduar të kem informacion për çfarë ndodh, ka gjithnjë shumë punë për të bërë. Çështjet sociale, të drejtat e fëmijëve do jenë një fokus shumë i madh duke njohur realitetin”
Ori Nebijaj nuk ka harruar një koment edhe për opinionistët Arjan Konomi dhe Neda Balluku në “Për’puthen”.
“Arjani është shtyllë e atij emisioni dhe nuk e di nëse Përputhen do të ekzistonte pa të. Neda ishte ajo çfarë i mungonte programit”.
Ç’mendon për Borën?
“Kemi një marrëdhënie shumë të mirë. Me Borën njihem shumë vite përpara, kemi qenë në një tjetër televizion. Isha unë në një emision që unë ika dhe e vazhdoi Bora. Mendoj që përveç Borës nuk më pason akush tjetër në emision.”
Ajo e mbylli me një koment për jetën private.
“Nuk do doja të merrja vëmendje në jetën time me jetën private, sot dua vëmendje vetëm me punën. Kur të martohem do ta merrni vesh”.
