Një nga Dj-t më të mirë të 20 viteve të fundit Dj Tiësto është bërë baba. Lajmin e bëri të ditur vetë Tiësto dhe partnerja e tij, Annika. Çifti janë bërë prindër të një vajze, të cilës i kanë vendosur emrin Viola.
Emocionet e ardhjes në jetë të vajzës, Tiësto i ndau me fansat në Instagram duke postuar foto me vogëlushen e porsalindur. “Përshëndesni vajzën time Viola Margreet Verwest. Ajo më jep ndjenja që kurrë nuk i kisha përjetuar. Dhe nëna e saj Anika është një kampione e vërtetë. Si mund të dukesh kaq bukur direkt pasi ke lindur?”-shkroi Tiësto ndërsa partnerja e tij u shpreh: “Ndjenja më e mirë në botë. Të dua shumë Viola Verwest”.
Tiësto është 51 vjeç ndërsa Annika 24. Ata u njohën në vitin 2015, u fejuan në vitin 2018 dhe u martuan vitin e kaluar.
View this post on Instagram
